FFlipaClip

Achike nab'än richin nachajij ri awetamab'al

Estape' man xetz'iläx ta re ta ewan tzij re', k'o ri k'o chi nab'än richin nachajij ri awetamab'al.

Use an email mask

Toq naya' ri qitzij rochochib'al ataqoya'l anin yekïl ri ewan taq atzij ri ajjak pa k'amab'ey. Jun samaj achi'el ⁨Firefox Relay⁩ tawewaj ri qitzij rochochib'al ataqoya'l toq ye'atäq taqoya'l pa qitzij ataqob'al.

Tatojtob'ej ⁨Firefox Relay⁩

Man tawokisaj awetamab'al pa PINs

Ruma chi ri rajilab'al awalaxik man k'ayew ta nilitäj pa kitz'ib'axik q'atb'alil tzij, ütz man ke'okisäx pa ewan taq tzij chuqa' PINs. Ri ketaman ri rajilab'al awalaxik chuqa' anin yetikïr nikïl ri PIN.

Tawokisaj jun ewan tzij chuqa' k'o kuchuq'a' richin jun rub'i' taqoya'l

Toq ye'awokisaj chik ri ewan tzij yeruya' pa k'ayewal ronojel ri kib'i' ataqoya'l. Re re' nuq'ajuj chi wi niq'alajisäx kan jun ewan tzij, xtik'oje' pa kiq'a' ri ajjak ri ruk'u'x kitzij k'ïy kib'i' taqoya'l.

Ke'ayaka' ri ewan taq tzij pa jun jikïl k'ojlib'äl

Ke'aya' ri rub'anikil rutikirib'al molojri'ïl pa jun jikïl k'ojlib'äl, akuchi' xa xe rat yatikïr yatok, achi'el jun kinuk'samajel ewan taq tzij. Re re' man k'ayew ta nub'än chawe richin ye'atz'ët ronojel ri jalajöj ewan taq atzij.

Tachajij awi' toq naya' ri awetamab'al

Man taya' ri awetamab'al we man k'atzinel ta. We nik'utüx chawe chi tatz'ib'aj o taya' ri rochochib'al ataqoya'l, codigo postal, o rajilab'al awoyonib'al, yatikïr nab'ij chi mani.

Jantape' ke'ak'exa' ri cholkema' chuqa' taq chokoy

Toq ye'ak'ëx ri taq chokoy, taq okik'amaya'l chuqa' ri taq rusistema operativo awoyonib'al nub'än chi ri awokisab'al jantape' e jikiïl. Re taq k'exoj re' yekichojmirisaj ri taq sachoj, taq k'ayewal chuqa' taq ruk'ayewal jikomal.