QQatar National Bank

Wat kinne jo dwaan foar dit datalek

Wy riede jo oan de folgjende stappen te nimmen om jo persoanlike gegevens feilich te hâlden en jo digitale identiteit te beskermjen.

Jo wachtwurd wizigje

Meitsje dit wachtwurd unyk en oars dan oare dy’t jo brûke. In goede te folgjen strategy is om twa of mear net-ferwante wurden te kombinearjen om in folsleine wachtwurdsin te meitsjen en sifers en symboalen op te nimmen.

Wurkje oare oanmeldingen mei itselde wachtwurd by

Troch wachtwurden opnij te brûken, wiziget ien inkeld datalek yn folle mear. No dit wachtwurd lekt is, kinne hackers it brûke om tagong ta oare accounts te krijen.

Jo bankôfskriften kontrolearje

Kontrolearje jo bankôfskriften op fertochte aktiviteit of ûngebrûklike kosten. Stel jo bank op de hichte as jo wat sjogge dat jo net werkenne

Brûk in VPN om jo IP-adres te maskearjen

Jo Internet Protocol-adres (IP-adres) bringt jo lokaasje en ynternetprovider oan it ljocht. In tsjinst as ⁨Mozilla VPN⁩ maskearret jo IP-adres om jo lokaasje te ferbergjen.

Probearje ⁨Mozilla VPN⁩

Meitsje unike antwurden foar befeiligingsfragen

In protte websites stelle deselde fragen. As ien antwurd lekt wurdt, lizze de gegevens op strjitte. Meitsje lange, ferskate antwurden en bewarje se op in feilich plak.

Mij it ferstrekken fan jo telefoannûmer

Probearje it ferstrekken fan jo telefoannûmer te mijen wannear jo jo oanmelde foar nije accounts of tsjinsten. As in telefoannûmer net fereaske is, fier it dan net yn.

Mij it gebrûk fan persoanlike gegevens yn pinkoaden

Omdat jo bertedatum maklik te finen is yn iepenbiere registers, kinne jo gebrûk derfan it beste mije yn wachtwurden en pinkoaden. Minsken dy’t jo jierdei witte soene ek hiel maklik jo pinkoade riede kinne.

Ferbetterje de befeiliging fan jo pinkoaden

In sterke pinkoade befettet gjin persoanlike gegevens, lykas jo bertedatum of adres. It moat in nûmer binne dat allinnich jo kenne en net maklik riede wurde kin.

Mij gebrûk fan adressen yn wachtwurden

Adressen of de strjitte wêryn jo opgroeid binne brûke makket jo wachtwurden minder sterk. Omdat it maklik is om dizze gegevens te finen yn iepenbiere registers, binne dizze wachtwurden ienfâldich te rieden.

Brûk unike, sterke wachtwurden foar elke account

Opnij brûken fan in wachtwurd bringt al jo accounts yn gefaar. Dit betsjut dat as ien wachtwurd lekt wurdt, hackers de kaaien fan in protte accounts hawwe.

Bewarje wachtwurden op in feilich plak

Bewarje jo oanmeldingsgegevens op in feilich plak wêr’t allinnich jo by kinne, lykas in wachtwurdbehearder. Hjirmei kinne jo al jo ferskate wachtwurden ienfâldich byhâlde.

Wês foarsichtich mei it ferstrekken fan persoanlike ynformaasje

Jou gjin persoanlike ynformaasje as dit net nedich is. As jo frege wurdt om jo e-mailadres, postkoade of telefoannûmer yn te jaan of te ferstrekken, kinne jo wegerje.

Wurkje software en apps regelmjittich by

Bywurkjen fan jo snoadfoan-apps, browsers en bestjoeringssystemen makket jo apparaten feiliger. Dizze fernijingen ferhelpe bugs, kwetsberheden yn software en befeiligingsproblemen.