CChris Leong

Mba’e ejapóta emo’ã hag̃ua ne maranduete

Umi ñe’ẽñemi ndojehechakuaáiramo jeje ko ñembyaípe, oĩ gueteri heta mba’e ikatúva rejapo emo’ãve hag̃ua ne maranduete.

Aníke emoherakuã ne pumbyry papapy

Ani eme’ẽ ne pumbyry papapy eñemboheraguapývo mba’ete ipyahúvape térã mba’eporurãme. Nereikotevẽiramo pumbyry papapy, anínte emoinge.

Eiporu peteĩ ñanduti veve rovara’ãnga

Eme’ẽvo ne ñanduti veve ha’etéva remoĩma umi mba’evaiapoha ha tapykuehoha ojuhúvo ne ñe’ẽñemi térã ndejuhúvo ñandutípe. Ko ⁨Firefox Relay⁩ rembiapo ha’e omokañývo ne ñanduti veve emondojey aja ñandutiveve ne g̃uahẽhame.

Eiporu ⁨Firefox Relay⁩

Aníke eiporu nde jehegua PINs-pe

Ndahasýi rupi nereñoiha ára ijuhu, ani eiporu ñe’ẽñemi ha PINs. Umi oikuaáva ne aramboty arange ikatu avei oike ne PIN-pe.

Aníke eiporu kundaharape ñe’ẽñemíme

Eiporúrõ kundaharape térã tape eiko hague omokangy ne ñe’ẽñemi. Mba’ekuaarã ndahasýiva ijuhu oimehápe, péva rupi ko’ã ñe’ẽñemi ndahasýi ijekuaa.

Eiporu ñe’ẽñemi ha’eño ha hekorosãva peteĩteĩva mba’etépe g̃uarã

Ñe’ẽñemi eiporujeýrõ ombyaikuaa opaite ne mba’ete. Kóva he’ise pe ñe’ẽñemi ojehechakuaa, umi mba’evaiapoha oreko mba’eñemi heta mba’ete rehegua.

Embyaty ñe’ẽñemi tenda hekorosãvape

Eñongatu ne mba’ekuaarã rembiapo ñepyrũ tenda hekorosãvape eikekuaahápe neañomi, peteĩ ñe’ẽñemi ñangarekoha. Kóva nepytyvõta ehapykueho hag̃ua ne ñe’ẽñeminguéra.

Ehecháke mávapepa ikatu embohasa marandu ndejehegua

Ani eme’ẽ mba’ekuaarã ndejehegua natekotevẽirõ. Ojejerurérõ emoingévo térã eme’ẽ ñanduti veve kundaharape, código postal térã pumbyry papapy, ikatu embotove.

Embohekopyahu meme software ha tembiporu’i

Ñembohekopyahu tembiporu’i, kundahára ha apopyvusu oku’éva ne pumbyry ha’evéva ojapo mba’e’okágui hekorosãva. Ko’ã ñembohekopyahu omoiporã jejavy, software ñembyaikuaa ha tekorosã apañuái.