QQatar National Bank

¿Mba’e ejapóta ko ñembyaípe?

Ro’e ndéve eguata hag̃ua ko tapére ha emohekorosã ne maranduete ha péicha emo’ã nde reratee ñandutípe.

Emoambue ne ñe’ẽñemi

Ejapo ko ñe’ẽñemígui ha’eño ha iñambuéva oimeraẽva umi eiporúvagui. Mba’e iporãva ha’e emojopyru mokõi térã hetave ñe’ẽ ojuehegua’ỹva emoheñói hag̃ua peteĩ ñe’ẽsyry ha emoinge papapy ha ta’ãnga’i.

Embohekopyahu ambue tembiapo ñepyrũ ko ñe’ẽñemímente

Eiporujeývo ñe’ẽñemi ombohetakuaa mba’ekuaarã ñembyai. Kóva oikóvo ñe’ẽñemi eiporukuaa, umi mba’evai apoha ikatu oiporu oike hag̃ua ambue mba’etépe.

Ehechameme banco pegua kuatia

Ehecha banco pegua kuatia tembiapo vai térã oikomeme’ỹva Emombe’u ne báncope ehecháramo mba’e eikuaaporã’ỹva

Eiporu VPN emoñemi hag̃ua nde IP kundaharape

Ne kundaharape ñandutigua (IP kundaharape) ohechauka ne rendaite ha ñanduti me’ẽha. Pe mba’eporu ⁨Mozilla VPN⁩ rehegua omoypytũ nde IP kundaharape oñomi hag̃ua ne rendaite.

Eñe’ẽ ⁨Mozilla VPN⁩

Emoheñói mbohovái porandu hekorosãva rehegua

Heta ñanduti renda oporandu peteĩchaite. Peteĩ mbohovái ojehecháramo, pe marandu ojekuaa. Emoheñói mbohovái ipuku ha jereguáva ha eñongatu tenda hekorosãvape.

Aníke emoherakuã ne pumbyry papapy

Ani eme’ẽ ne pumbyry papapy eñemboheraguapývo mba’ete ipyahúvape térã mba’eporurãme. Nereikotevẽiramo pumbyry papapy, anínte emoinge.

Aníke eiporu nde jehegua PINs-pe

Ndahasýi rupi nereñoiha ára ijuhu, ani eiporu ñe’ẽñemi ha PINs. Umi oikuaáva ne aramboty arange ikatu avei oike ne PIN-pe.

Emohekorosãvéke ne PINs

Peteĩ PIN hekorosãva ndorekói marandu ndejehegua, ne arareñói térã kundaharape. Orekova’erã papapy nde añoite eikuaáva ha ndaikatuiva ojekuaarei.

Aníke eiporu kundaharape ñe’ẽñemíme

Eiporúrõ kundaharape térã tape eiko hague omokangy ne ñe’ẽñemi. Mba’ekuaarã ndahasýiva ijuhu oimehápe, péva rupi ko’ã ñe’ẽñemi ndahasýi ijekuaa.

Eiporu ñe’ẽñemi ha’eño ha hekorosãva peteĩteĩva mba’etépe g̃uarã

Ñe’ẽñemi eiporujeýrõ ombyaikuaa opaite ne mba’ete. Kóva he’ise pe ñe’ẽñemi ojehechakuaa, umi mba’evaiapoha oreko mba’eñemi heta mba’ete rehegua.

Embyaty ñe’ẽñemi tenda hekorosãvape

Eñongatu ne mba’ekuaarã rembiapo ñepyrũ tenda hekorosãvape eikekuaahápe neañomi, peteĩ ñe’ẽñemi ñangarekoha. Kóva nepytyvõta ehapykueho hag̃ua ne ñe’ẽñeminguéra.

Ehecháke mávapepa ikatu embohasa marandu ndejehegua

Ani eme’ẽ mba’ekuaarã ndejehegua natekotevẽirõ. Ojejerurérõ emoingévo térã eme’ẽ ñanduti veve kundaharape, código postal térã pumbyry papapy, ikatu embotove.

Embohekopyahu meme software ha tembiporu’i

Ñembohekopyahu tembiporu’i, kundahára ha apopyvusu oku’éva ne pumbyry ha’evéva ojapo mba’e’okágui hekorosãva. Ko’ã ñembohekopyahu omoiporã jejavy, software ñembyaikuaa ha tekorosã apañuái.