LLedger

Beth i'w wneud i ddiogelu eich manylion personol

Er nad oedd cyfrineiriau wedi'u hamlygu yn y tor-data hwn, mae yna gamau y gallwch eu cymryd o hyd i ddiogelu eich manylion personol yn well.

Ceisiwch osgoi rhannu eich rhif ffôn

Ceisiwch osgoi rannu eich rhif ffôn wrth gofrestru am gyfrifon neu wasanaethau newydd. Os nad oes angen rhif ffôn, peidiwch â'i roi.

Defnyddiwch enwarall e-bost

Mae rhoi eich cyfeiriad e-bost go iawn yn ei gwneud hi'n haws i hacwyr neu dracwyr ddod o hyd i'ch cyfrineiriau neu eich targedu ar-lein. Mae gwasanaeth fel ⁨Firefox Relay⁩ yn cuddio'ch cyfeiriad e-bost go iawn wrth anfon e-byst i'ch mewnflwch go iawn.

Rhowch gynnig ar ⁨Firefox Relay⁩

Osgoi defnyddio cyfeiriadau mewn cyfrineiriau

Mae defnyddio cyfeiriadau neu enw'r stryd lle cawsoch chi eich magu yn gwanhau'ch cyfrineiriau. Gan ei bod yn hawdd dod o hyd i'r wybodaeth hon yn gyhoeddus, mae'n gwneud y cyfrineiriau hyn yn hawdd eu dyfalu.

Defnyddiwch gyfrineiriau unigryw, cryf ar gyfer pob cyfrif

Mae ailddefnyddio cyfrinair yn peryglu'ch holl gyfrifon. Os fydd un cyfrinair yn cael ei ddatgelu, mae gan hacwyr yr allwedd i lawer o'ch cyfrifon.

Cadwch eich cyfrineiriau mewn man diogel

Cadwch eich manylion mewngofnodi mewn man diogel, lle dim ond chi sy'n gallu cael mynediad atyn nhw, fel mewn rheolwr cyfrinair. Mae hyn hefyd yn ei gwneud hi'n hawdd cadw golwg ar eich holl gyfrineiriau gwahanol.

Byddwch yn ofalus am rannu manylion personol

Peidiwch â rhannu data personol os nad oes raid i chi wneud hynny. Os oes gofyn i chi roi eich cyfeiriad e-bost, cod ZIP, neu rif ffôn, gallwch ddweud na.

Diweddarwch feddalwedd ac apiau'n rheolaidd

Mae diweddaru eich apiau ffôn clyfar, porwyr, a systemau gweithredu yn gwneud eich dyfeisiau'n fwy diogel. Mae'r diweddariadau hyn yn cywiro gwallau, gwendidau meddalwedd, a phroblemau diogelwch.